یوم عرفہ اور اس دن روزے کی فضیلت
-----------------------------------------
نبی صلی اللہ علیہ وسلم نے ارشاد فرمایا:

میں امید رکھتا ہوں کہ یوم عرفہ کے روزہ سے سالِ آئیندہ اور سالِ گذشتہ ، دو سال کے گناہ اللہ تعالیٰ معاف کرتا ہے اور یومِ عاشورہ کے روزہ سے صرف ایک سال گذشتہ کے گناہ معاف ہوتے ہیں۔
(صحیح مسلم ، حدیث : 2803)

نبی صلی اللہ علیہ وسلم نے ارشاد فرمایا:

کوئی دن ایسا نہیں جس میں اللہ تعالیٰ یومِ عرفہ سے زیادہ اپنے بندوں کو جہنم سے رہائی دے ، اللہ تعالیٰ ان کے قریب ہو جاتا ہے اور پھر فخر کے طور پر فرشتوں سے پوچھتا ہے کہ : ان لوگوں کو (میری رحمت و مغفرت کے سوا) کیا چاہئے ؟
(صحیح مسلم ، حدیث :2410)