دعاء پر اعتماد ہی نیکی ہے .
-----------------------------

جب ہم تنہائی اور خاموشی میں دعاء مانگتے ہیں تو ہم اس
یقین کا اعلان کر رہے ہوتے ہیں کہ ہمارا الله تنہائی میں ہمارے پاس ہے اور وہ خاموشی کی زبان سمجھتا ہے - دعاء میں خلوص آنکھوں کو پرنم کر دیتا ہے اور یہی آنسو دعا کی منظوری کی دلیل ہیں - دعاء مومن کا سب سے بڑا سہارا ہے - دعاء ناممکنات کو ممکن بناتی ہے - دعاء زمانے بدل دیتی ہے - دعاء گردش روزگار کو روک سکتی ہے - دعاء آنی والی بلاؤں کو ٹال سکتی ہے - دعاء میں بڑی قوت ہے - جب تک سینے میں ایمان ہے دعاء پر یقین رہتا ہے - جس کا دعاء پر یقین نہیں اس کے سینے میں ایمان نہیں - الله تعالیٰ سے دعاء کرنی چاہئے کہ وہ ہمیں دعاؤں کی افادیت سے مایوس نہ ہونے دے -

از واصف علی واصف